細孲仔

【文／羅肇錦 (國立中央大學客家語文暨社會科學學系榮譽教授)】

 

客家電視台新推出一齣分細人仔看个節目，名按到「小O記事簿」。正看著節目名架下，大家就搞毋清楚係搞麼个把戲。再過想清楚兜仔，正知「小O」係講細人仔得勢仔。做麼个愛愐恁久正知意思呢?崖想係漢字个問題，係講按節目名個人曉得寫出「細孲記事簿」抑係「細O記事簿」，該就好好勢勢一看就知係講麼介。
用「小O記事簿」毋妥當个所在適哪?崖想應當有兩部分無異詳細个關係。第一係「小」同「細」讀音無共樣搞無分漿，第二係「O」同「孲」個漢字問題。先講「小」同「細」讀音問題，「小」愛讀seu（與少同音）像「小朋友」要講seu  pen  iu無係 se  pen  iu（細朋友），「細義」大家會讀se ngi 毋會講 seu ngi故所寫「小O」會讀著seu o 較難想客家話細孲仔个意思。 另外「O」同「孲」字，因為民間俗字用「孲犽」的「孲」，拿來用細孲仔个孲，就做得分人清清楚楚了解小O仔个O就細孲仔。

細孲仔_羅肇錦教授聲檔

 

▲BACK