了了

【文／羅肇錦 (國立中央大學客家語文暨社會科學學系榮譽教授)】

 

普通話肚項，有一句異有意思个名言「小時了了，大未必佳」，一下人挑挑同佢改到「小時了了，大必不佳」，無就改到「小時了了，未必大家」。不管係樣仔改，佢个「了了」全部就係褒人个話，說人還細就看欸出比別人較特出。

但係客家話个「了了」就無共樣哩，比將講「這隻村仔賊仔了了」「歸屋家人病丁仔了了」，這是諷刺該隻村子賊仔當多，該隻家族全係病夫。或者說「一盤魚仔骨頭了了」「一坵水田石頭了了」 ，抑係批評該盤魚仔淨存骨頭，該坵水田種東西無得。可見「了了」客家話係「貶」無係「褒」，普通話用「了了」表示當好，客話用 「了了」表示當毋好。故所有人講你「全班老人家了了 」 抑係「全班後生仔了了」 這兩句話就係嫌人个話，「全班老人家了了 」係講全班就係年齡當大，無麼个路用， 「全班後生仔了了」係講全班就係年齡當細，做毋好麼个事情。

故所，共樣个「了了」國語是用來褒人「了不起」，客話係用來貶人「人起不了」。 

 

了了_羅肇錦教授聲檔

▲BACK