捱對先生身項學著个幾項事

【文／豆漿】

 

韓昌黎曾講過一句話：「師者，所以傳道、授業、解惑也。」這句話个意思就係講先生，係來傳授品德、教授專業、解決困惑个。韓昌黎乜有講過：「學生毋定著比不上先生，先生乜毋一定要比學生優秀，懂道理个時間有早有晚，學術知識各有專業。
從捱還細到大，認真算來，總共被33位先生教過，不管係科任還是導師，有兜先生認真負責、有兜先生很照顧學生、有兜先生很有才情。每一位先生都有各自个優點，都有值得捱等學習個地方。其中，讓捱印象最深刻个，就係捱个國小先生陳先生，捱對佢身項學到：機會，係留給準備好个人。
記得捱讀小學个時節，陳先生係捱等个班導，个時節，陳先生都會要求捱等每一日都要看一本書，隔日要同同學分享，个時節對捱等來講，玩都來不及了，仰會有時間去看其他个書，還有，要捱等上台講話，這根本係一个大麻煩，每日想到就痛苦唷!有一擺，捱就問先生為什麼要這樣做，課本項乜教仔盡多知識啊!先生就笑著講：「記得，知識不嫌多。機會，係留給準備好个人。」个時節捱還不知這句話个意思，只好摸摸頭繼續看書。結果，沒過幾隻月，學校舉辦問答比賽，派三个學生代表班級來搶答，捱就被先生選作其中一个選手。比賽个時節，捱等三个人盡緊張，因為捱等根本無像六年級个學生共樣學按多知識，要怎麼去同別人比賽呢!結果，捱等一看題目，發現這兜都係捱等在書項看過个，就這樣一關過一關，煞得到全校第一名。个時節，捱才知道，原來先生講个「機會，係留給準備好个人。」就係這樣的道理。
陳先生在捱等學校裡肚，乜係有名个先生，因為不管係游泳、跑步、打球，麼个運動都會，在音樂項又更加登真，鋼琴、唱歌項項都會，个時節佢係捱等學生个偶像。有一擺，先生在上課个時節，捱等就問先生做麼个會按多東西，就像世界上毋事情做得考到佢。先生笑著講：「就係多看、多學，麼个都去了解、去學習，多學一項就係多一項能力，別人有一，你有二、有三，會得比別人多項，就做得比別人得到更好个機會。」先生一直鼓勵捱等尋自家的興趣，加強自家个能力，正做得有比別人更好个成就。
從頭擺到現下，乜因為這樣培養上來，得到盡多盡好个機會。就像个時節陳先生要求捱等上台分享，其實係訓練捱等个表達能力同自信，漸漸耶，捱等就不驚上台演講這件事情，乜因為這樣，國中个時節捱就做得代表學校參加演講比賽。看書个習慣就更加毋使講，因為看書得到个知識，讓捱在學習、做報告、考試，都做得有好个成績同比賽个機會。
陳生講个一句話，到現下捱還記在心肚，提醒捱要煞忙學習、打好基礎，從每一件事情裡肚「做中學、學中做」，因為捱在先生身上學到个事情就係「機會，係留給準備好个人」

▲BACK