苦命的女子
【文/薛常威/國立中央大學客家語文暨社會科學學系在職專班碩士生】
在客家戲曲故事裡,時常會出現一種悲劇人物,就是特別命苦的女子,也就是「苦旦」。她們命運多舛,通常是失去雙親,喪夫或喪子,孤獨一人,又貧病纏身。在那個普遍人都不富裕的年代,台下觀眾一般也是清苦的百姓居多,看到故事裡的苦命人,會有一絲安慰,至少我還不是最辛苦的。
苦旦雖然命苦,但是往往又特別善良、孝順,所以偶爾會得到意外的幫助,而且在劇終時,劇情常常會大反轉,反而會得到最後的好報。
老爺:阿清,跈等老爺出外以來,愛來收租,探頭一看,上煎下逼啊,真是辛苦了你。
阿清:毋會啦,亻厓應該个。老爺,你較艱苦啦。
桂香:虧啊~~
老爺:好奇怪啊,兩人來到此地,探頭一看,一個小女子,身著素衣,跪在地泥上,聲聲句句在該喊虧啊,若恁樣其中必有緣故。阿清過來,老爺旁邊暫等一時,你向前盤問來。
阿清:遵命遵命。
阿清:喂、喂。
桂香:小哥請了。
阿清:小姐小姐。
桂香:不敢不敢。
阿清:妳仰仔跪若?
桂香:不瞞你說,亻厓外庄人,愛來本庄講親,母女相依為命,不幸亻厓个母親得病,嗚呼哀哉,見笑,一無親二無故。身上無錢,人死放毋得,應該來入土為安,無錢又無熟識人好借。不得無奈,亻厓插草賣身葬母,無嫌个人,買亻厓做三年五載,亻厓就願意。
阿清:恁樣喔,還衰過得著。妳毋使愁,暫等一下。
桂香:多謝。
阿清:頭家。
老爺:到底問著仰般形?
阿清:問起來,這個細妹仔,他鄉外地來个,麼个來尋親戚,親戚吂尋著,厥姆就發病,發病嗄消忒,又無錢好埋啦。
老爺:既然若斯此款,恁堵好,不如亻厓向前問詳細。
老爺:方才聽阿清講,若个苦處。
桂香:見笑見笑啊。
老爺:何用見笑,天下間,麼儕毋識堵著困難之時。既然若斯此款,人講幫助他人,快樂之本。妳身上無錢,不如老漢多少金錢,幫助了妳,妳想仰般?
桂香:員外,仰般稱呼,大名大幸。
老爺:亻厓姓丁名康。
桂香:丁康?可是本庄該間大瓦屋个丁員外?
老爺:妳仰般見知?
桂香:請問你个安人可是姓盧,盧氏?
老爺:盧氏,毋會增差,妳仰般見知亻厓夫人个名姓。
桂香:母親愛尋,就愛來尋你姨丈摎阿姨。姨丈,母親就係盧氏,亻厓陳桂香啊。
老爺:天遠路頭,原來就愛來尋亻厓个阿姨,恁堵好,堵著亻厓丁康一儕人,既然若斯此款,牽去牽來,原來亻厓俚係自家人。若無恁樣,若个母親屍首,安葬了後,亻厓帶妳回家來去,見過若个阿姨,不必在這外背受寒受冷。
桂香:母親,盡早就摎亻厓講,講姨丈係大善人,阿姨好命了。既然埋葬亻厓个母親亻厓轉來去,亻厓做奴才个成事,好好報答阿姨丈。
老爺:亻厓絕對毋會分妳恁委屈。
桂香:多謝姨丈。
1.探頭dam24teu1:伸出頭張望。
2.上煎下逼song24 jien24 ha24 bed2:頭頂上大太陽曬著,腳底下的路有熱得發燙。形容在大熱天趕路,十分難受、煎熬。
3.若斯此款:若是如此。
4.大瓦屋:形容大戶人家住的豪華房子。
5.天遠路頭tien24ien31lu55teu11:形容路程遙遠。
6.牽去牽來:到處牽扯關係。