落難得奇人相救
【文/薛常威/國立中央大學客家語文暨社會科學學系在職專班碩士生】
客家戲曲故事中,善良的小人物也可能被奸人所害,但如果就這樣死去,自然會引來觀眾的憤慨。所以接下來許多劇情會安排一個反轉,通常是得到神仙相救,不然就是被一位不世出的高人救起,甚至高人會教被害者高強的武藝,好讓將來可以報冤仇。
在這段演出裡,春娘被三太推下山崖,傷重毀容而成為怪女。空空道人及時出現,不但救下了想自殺的春娘,也讓春娘的兒子認三太為父。多年後,這兩人成為復仇的關鍵角色。
三太:哈啊啊~來試看一下仔。這林春娘分𠊎殺幾刀,已經走忒,細人挑在這。
好啊~敢無聽人在該講,斬草愛除根,斬草無除根,後日反報仇。分佢…
內白:哈~胡三太。𠊎就係空空道人,𠊎對你个所做所為,非常个明白,這個細 人仔,你做毋得分佢死,佢摎你非常个有緣份,𠊎會渡佢,好好教佢武藝,十幾年後,分你做倈仔,父子相喊,分你團圓,若無者,你胡三太無聽𠊎个言語,恐驚你就會來絕後了。
三太:喔吼。
內白:𠊎个言語,你愛記在心,𠊎先去了。
三太:𠊎聽佢講个真有理唉,好啦,既然師父恁形講,𠊎就莫逐啦。
春娘:唉哟~唉哟~
三太:哇哈哈~白清華,已經判無期徒刑,就穩死無生了。林春娘,跌落萬丈深崖,無死也半條命,䟘起來佢也無話講,細人仔已經就分人帶走了。好 啦,今這就穩食穩睡,轉來去枕頭疊高高,看愛仰般,去囉。
春娘:唉哟唉哟,仰般會恁奇怪,𠊎走去山頂高,佢愛㓾𠊎个命,毋堵好跌下
去,𠊎滿面就恁腫又恁痛,𠊎个子兒又墬落去。𠊎个面仰會恁痛啦,來
照水看下咧~啊~
春娘:𠊎个手骨分人傷忒,子兒又來失落。𠊎个夫郎分人打牢,終身不能出,
故鄉个公公,你做得原諒你个心餔,𠊎春娘自殺个無奈,子啊無忒,夫
啊散忒,𠊎滿身个中傷,在世間有何路用,𠊎看破了跳水死啦。
內白:且慢,林春娘,妳个事情,本道人非常个同情,妳毋好就恁樣形來死,
妳若死,冤仇麼人報,若係妳个子兒,𠊎已經摎佢安排,以後會有人保
護,若係林春娘妳摎本道人,多在仙山,𠊎也會教你全身个武藝,以後
妳个名毋係安到林春娘,你个名號就安到怪女,幾十年後,𠊎會喊妳怪
女下山,跈𠊎來。
1. 穩食穩睡:安安穩穩
2. 枕頭疊高高:平安無事,沒煩惱。
3. 若係na55he55:若是,如果