有關客語个常用語挑、掉、跳个字音摎用法
【文/范文芳/國立清華大學中國語文學系退休教授】
發音人:范文芳(海陸腔)
ㄧ 、同音節但是聲調不同个幾隻字
1. 挑 吐彫切 效攝 平聲 透聲母 客語音 {tiau} 陰平調
2. 掉 徒弔切 效攝 去聲 定聲母 客語音 {tiau}陰上調。
3. 跳 他弔切 效攝 去聲 透聲母 客語音 {tiau} 陰去調。
4. 可見得,裡三隻漢字,在客語來講,係同音不同調。
二 、客語係漢語个一種方言,係聲調語言
同音節結構,但是聲調不同,就係不同音,也就係不同意思,裡種情形係發生在同一音節,用在不同个構詞、不同个語法,所形成个同音不同調,語意也有當大个變化。
1. 挑 華語挑菜、挑選,挑係陰平調,挑戰、挑撥係陰上調。客語挑工、挑事、挑挑係陰平調,挑忒係陰上調。
2. 掉 華語掉頭、丟掉都同音去聲,客語掉垃圾、掉忒係陰上調。
3. 跳 華語跳動、跳舞、活繃亂跳都同音去聲,客語會走會跳,跳係陰去調,跳上跌落、跳童兒,跳係陽平調。
三、感想
1. 有關客語書寫个用字問題,還係回到形、音、意个本色。
2. 有關客語字音个考究,愛比較古今音變、次方言差別,尤其係聲調調類个變調現象。
3. 除了以上兩點考究,還愛注意著客語个特殊語法,比像講,華語常用吃掉、跑掉,客語習慣用食忒、走忒。