重生
【文/徐佳妤/臺北市國小客語支援教師】
發音人:徐佳妤(南四縣腔)
你
好展个心
想揞等自家 遊遊野野
失魂个心
毋知哪時 正分醒過來
躁動个心
對這世界 瀉入該世界
盡命牯 將
自 家
跔 跔等 過跔等
𠊎
恁多年來
跈你 茫心同拶拶
恁多年來
跈你 噭眵同著驚
三更半夜
反躁 眠等睡毋落
心心念念
行入另隻世界个 你
像斷線个紙鷂
無 結 無 煞
無 踪 無 跡
光
旋旋風現出 一道光
像過身个阿婆帶來个
分你在
暗摸胥疏个濛煙肚
尋 著 方 向
好展个心 放下吔
失魂个心 分醒吔
躁動个心 恬靜吔
頭臥臥 順等光
重 新 行 在
屬 於 若 个
人 生 軌 道