天上人間
【文/薛常威/國立中央大學客家語文暨社會科學學系在職專班碩士生】
在一般民眾心理,「善有善報,惡有惡報」是天理。即便在現實世界裡,不見得會遇到,但是在戲曲表演中,想像的世界裡卻必須如此。孝順善良的人必將會有好報,死後會升上天堂,或者在世時仙女會下凡來給予幫助。在這段故事裡,孝順善良的文瑞,雖然日子辛苦,但還是得到了仙女下凡來幫助。
除了榮華富貴,神仙的世界到底是如何?透過戲曲表演,把想像中的神仙生活介紹給了人們。像是仙界沒有男女情感之事,沒有衰老,神仙可以看見凡人看不見的金銀財寶。
在戲曲表演中,仙界的神仙跟在官場的官員一樣,少用白讀客家話,而大量運用文讀客家話。仙人說「不過」,不說「毋過」;說「何人」不說「麼儕」。
妹:皇姊,多彩妳湊𠊎來到這南天門所在,看這凡間之事,真是好景緻啊。緊看斯心情緊開朗,𠊎看著盡歡喜。只不過,𠊎看著該所在摎天庭雲霄寶殿一模一樣,該隻地方,到底係麼个地方,又係何人所戴呢?
姊:該隻地方,人間安到京城,京城戴个,就係皇帝,摎天庭玉帝个職位差
毋多,管凡間之事啊。
妹:人講,天上有天王,地下有帝王。該恁好个地方就係金鑾寶殿,莫非係一國之君所戴个地方。
姊:無毋著。
妹:唉,𠊎又感覺真奇怪,看分佢詳細,京城所在,人山人海,鬧熱紛紛。有兜人,一儕人,有細倈人,有細妹人。還有喔,一男一女,手又牽等,今又麼个意思呢?
姊:該隻意思,一個細倈人,一個細妹人,就做得結成公婆。結成公婆斯會
降下細人仔,該就安到一個家庭。不過,這件事情,在俚天庭係無可能發生。
妹:𠊎明白,阿姐,妳講个意思,凡間所在,一男一女斯做得夫妻,凡間做得男婚女嫁係無?阿姐有摎𠊎交代,俚在天庭斯做毋得恁樣形,做恁樣个事情,父王一定愛打。該斯感情緣分囉?
姊:著。
妹:凡間摎俚天庭無共樣,就無共樣。疑?看該片有一間爛草茅,當奇怪呢,看著算將係母子。該老婆子,年紀有較多。毋過,該後生人,看佢歸日在該寫字。到底為麼个?佢兩儕會變到恁落魄,係麼个關係啊。
姊:該隻書生个父親在朝為官,只不過戰敗,故所,伸佢母子倆儕人。
妹:喔,該兩儕人斯子哀係無?
姊:無毋著。
妹:佢个父親以前在朝為官,戰死,高不而將母子兩人回轉故鄉而來,戴在該草茅,非常辛苦。啊毋過,𠊎感覺,佢屋面前兩欉樹仔,透到俚天庭,做麼个東西啊?
姊:該屋面前,一枝係金樹,一枝係銀樹啊。
妹:阿姊,聽妳恁講,金樹摎銀樹,可庇佑佢有銀錢。
姊:無毋著。
妹:該屋下恁苦,崔文瑞仰般毋曉得拿來用?
姊:該樹仔只有俚仙人看得著,凡間之人,佢个目珠看毋著个。
妹:著啊,𠊎真是糊塗,崔文瑞算將凡間之人,毋知兩欉樹个好寶,俚係仙女,戴這天庭所在,看得清清楚楚,係一隻好寶貝,𠊎看著盡打爽,佢不知金銀,毋曉得拿來用。無恁樣形,𠊎世珍下凡來去,指點崔文瑞。
1. 多彩do24cai31:好在,幸好。
2. 鬧熱紛紛nau55ngied5fun24fun24:形容非常熱鬧的樣子,也可說成「鬧熱煎煎」。
3. 草茅co31mau11:茅草房子。
4. 子哀zii31oi24:母與子。
5. 高不而將go24bud2i11jiong24:不得已只好;不得不這樣。或作「高不將」
6. 打爽da31song31:沒有節制、無益的耗費。