發、闊兩字同音無共意
【文/范文芳/國立清華大學中國語文學系退休教授】
發音人:范文芳(海陸腔)
ㄧ、從字形結構來看
1.發,上頭係左右腳趾,下頭左片係弓,正片係用手拉弓,歸隻字係指兵士帶著弓箭向前行,出發、發兵係發字个本意。
2.闊, 形聲字,從門活聲,本意係指寬大个門戶,說文解字稱其意為疏也,其實疏遠係引申意,寬闊、廣大正係本意。
二、從字義个演變來看
1 發,本意係指士兵持弓箭出發,常用詞彙像發兵、彈無虛發就係此意。
2 發,延伸字義,像發行、發起、發財、發病、發表、發酵等。
3 闊,本意係遠離、疏遠,像高談闊論、海闊天空。
4 闊,延伸字義,有寬大、豐厚意思,像闊達、闊氣等意思。
三、對兩字字音个討論
1 發字,廣韻標音方伐切,月韻,聲母為非。
2 闊字,廣韻標音苦括切,末韻,聲母為溪。
3 從台灣客語个角度來看,發字有兩音,語音係bot 陰入,文讀音係fat陰入。
闊字只有一音fat陰入。
4 客語發、闊都有fat音,假使無用字形、字義、語法个分析,就有可能發生錯誤。
四、結論
1.發,客語用在兩種狀況,出發、發生、發明、發粄、發燒用fat,發病、發子、發冷都音bot,現代台灣社會常用【發】來形容有錢,台華、台福都音fa/huat,客語還係用bot音。
2 闊 、發兩字,客語有同音現象,有必要從語法分析來區別,大體來講,闊多用在形容詞,表示面積廣大,引申為富裕,則偏重在台華語个用法。
3 台華、台福語對發、闊兩字,發音有別,台客語則有同音現象,必須透過語法分析个幫忙,正毋會錯亂。