恩將仇報
【文/薛常威/國立中央大學客家語文暨社會科學學系在職專班碩士生】
知恩圖報,這是傳統社會一般人民的道德觀;相反的,恩將仇報自然就被認為是一個惡人。在傳統戲劇戲曲裡,就有很多這類的壞腳色,讓觀眾的正義感高漲,恨之入骨。而有惡人也才能相對表現出好人的善良。
這段故事裡胡三太得到恩人白情華的資助才能進京趕考,並順利為官。白清華把錢資助胡三太,造成自己的貧困而偷庫銀並被捕下獄。成為判官的胡三太不但未加以援救,反而將之判無期徒刑,此為恩將仇報。胡三太甚至想進一步強佔恩人的妻子為妻,這種行為更讓人氣憤。
傳統戲劇裡經常會出現這種讓人氣憤的腳色,也讓一般人民了解壞人的形象為何,並影響日常生活的道德判斷。
春娘:奇怪,大伯講𠊎个老公在這後廳,仰般滿間尋斯尋毋着𠊎个老公,清華~
清華:樣仔聽着春娘个聲。
春娘:清華~
清華:春娘敢有來,春娘。
春娘:清華~
清華:春娘啊,𠊎在這位,春娘啊,妳看過來。
春娘:啊~
清華:𠊎在這位企等咧啊。
春娘:清華~
清華:春娘,你仰般會來到這位所在啊?
春娘:今等你走了後,𠊎非常不安,𠊎跈等你个後背來,結果人摎𠊎講,講你
戒到總司來,𠊎尋到總司,一問原來斯係大伯,𠊎有問佢啊。
清華:唉~
春娘:𠊎問講看,𠊎个老公有到這位審案無,講有。佢對你非常个好,來款待
你,𠊎要求愛見你个面,仰般會分人關大牢。
清華:春娘,妳莫相信佢个話,妳分佢騙著,想毋著𠊎戒在總司,見著胡三太
一面,緊黏時現大形,講妳當初講佢一句話,兔頭蛇眼,過再講,同佢完全一句話,搣殺兄弟感情,竟將𠊎判,將𠊎判無期徒刑啊~
春娘:吓~
清華:今在這位,𠊎一定穩死無生,妳遽遽好走,𠊎係無要緊,驚怕對妳不
利,妳較遽好走。
春娘:斷真?
清華:係。遽遽好去。
春娘:你暫時到這位,𠊎一定愛去公堂計較。
清華:毋好。
春娘:摎佢討人情,𠊎來去公堂,𠊎來去公堂求情。
清華:毋好,聽𠊎話哪~
春娘:大伯。
毋係,你胡三太,還可惡,𠊎一家會變到落花流水,完全就為著你,今晡日𠊎个老公會拿錢分你上京,你正有這種福好過,你聲聲句句愛對𠊎个老公好意款待,你摎佢關到監牢肚,判無期麼个意思?
三太:恁樣太便宜佢了啦,妳知無?耳公捉起來聽,妳愛試想看下咧,𠊎餔娘
分賊仔捉去,有仰般無仰般,你摎𠊎救轉來,麼个事就無,無緣故佢講一句話,講𠊎餔娘分賊仔糟蹋去,所以𠊎餔娘正會自殺來死,這件事情𠊎無摎佢計較,還有,妳老公拿錢分𠊎,上京做官,妳講麼个話,妳就分妳這張嘴害死啊。
春娘:吓~
三太:妳講𠊎,兔頭蛇眼,決定下二擺毋係好東西,放𠊎上天做事講句,今晡
日妳老公會恁呢,就係妳做忒來。
春娘:胡三太。
三太:做麼?
春娘:你也無想,𠊎講个幾句言語,你來恨大事,你愛想看𠊎全家靠个一點仔
錢生活,錢拿分你上京做官,這就無打緊,𠊎个老公分公公所逼,走去拿國庫,乜為著你。
三太:嗄怪𠊎係啊?
春娘:今晡日你有錢來做官,做一個總督,既然有恩不報反倒害人,胡三太。
三太:仰般?
春娘:你比禽畜還得人驚。
三太:仰般罵就無相干,林春娘。該當時本官看妳啊,有三分个姿色,𠊎正留
清華佢一條命,來來來,𠊎這下做總督,妳老公穩死無生,妳來做總督夫人吧。
春娘:哼,胡三太,像你裡般,豬狗不如啊。𠊎个老公已經摎𠊎講,你判佢罪
恁重,今晡日在這鄭重个所在,𠊎摎你講,佢為你死啊。
三太:好,既然妳恁樣講,人講無種無好食,𠊎同妳強捉過來。
春娘:𠊎會喊人,𠊎會喊救命。
三太:通體係𠊎个人,來。
春娘:做毋得啦。救人喔~救人喔
黏時ngiam11sii11:立即、馬上。
現大形:原形畢露。
兔頭蛇眼:形容人面相猥瑣,非善類。
搣殺med2sad2 : 抹殺:
斷真don55ziin24:真的,表示果然是如此的判斷或反問。
落花流水:形容人或事物的下場悽慘。
無種無好食:沒有努力就不會有收穫。