隨性的母親
【文/薛常威/國立中央大學客家語文暨社會科學學系在職專班碩士生】
這一段是說,文瑞的母親催促兒子完婚,但是家中太小沒有新房,只好把房間讓給兒子媳婦,自己睡廚房。崔母在此劇中是一位帶來歡樂的腳色,不停地調侃兒子跟媳婦,叮囑晚上別發出太大的聲音,免得他太想老公。花癡隨性的演出,讓觀眾覺得很好笑。
崔母:唉喲,看今晡日當好个天,遽遽拜堂。
文瑞:今晡日可以,阿姆做主,𠊎聽妳話。
崔母:恁樣,裡下拜堂,𠊎摎你講,奏樂。
文瑞:吂愛正吂愛正,等下等下。
崔母:小姐,妳當雄頭呢?
文瑞:這草茅恁小間定定,今這下,喊𠊎討佢做餔娘,該俚愛仰般形戴呢?
崔母:毋驚啦,𠊎摎你講,𠊎該間分你兜睡。
文瑞:一頂眠床定定呢,分𠊎兩儕睡,該妳愛睡哪位?
崔母:𠊎老人家,毋驚,𠊎去該灶下,該灶腳睡就做得了。
文瑞:吓,恁形做得?
崔母:做得,𠊎摎你交代喔。俚个眠床會壞會壞喔,你兩儕喔…
文瑞:眠床會壞會壞喔。
崔母:係啊,恁樣暗晡頭喔,毋好吱吱呱呱。恁樣形,𠊎會想𠊎个老相公。
文瑞:妳仰會緊老就緊癲倲。
崔母:唉喲,𠊎摎你交代个你就愛記得喔,毋好昶大聲啊,較小聲仔。
文瑞:𠊎盡量啦。
崔母:恁樣形喔,好啦,渡落去啦。
崔母:唉喲,𠊎看這張小姐喔,實在當有𠊎个緣。這下𠊎倈仔完成拜堂,恁樣
斯煮粄圓來去分人食喔。
雄頭hiung11teu11:性慾高昂的意思。
草茅co31 mau11:簡陋的茅草房子。
癲倲dien24dung24:人因年老而退化失智。