出乎意料之外的「笑」果
【文/薛常威/國立中央大學客家語文暨社會科學學系在職專班碩士生】
戲曲表演中,常用出乎意料之外的結局來帶出好笑的笑果。根據常理或經驗法則,預測會有怎樣的發展或變化,但是結果卻跟預期相反。對觀眾常識性預定思路的打斷,而顯出荒謬跟可笑。
例如,在這段表演裡,仙女世珍把崔文瑞母子的茅草房變成一間豪宅讓母子感覺很意外。世珍又說家門口的兩棵樹是寶樹,搖一下就會有金銀落下來。觀眾合理的期待是崔母會去搖樹,結果卻是崔母搖動自己的身體跟屁股,超乎常理的預期,帶來荒謬跟好笑。
世珍:摎崔文瑞結成夫妻,戴裡間爛草茅,母子兩人非常个可憐,用𠊎个法寶
將這間草茅變成一間大瓦屋。
世珍:像恁樣就著,變成大瓦屋,一儕人睡一片,毋使睡該眠床會搖个,毋使
睡該灶下頭,分這母子兩儕,睡到穩穩,𠊎斯放心,天吂光,先入來睡。
崔母:當好睡。誒?𠊎个屋下變無共樣,倈仔啊,倈仔啊。
文瑞:阿姆,正天光定,恁大小聲做麼个?
崔母:倈仔你看,俚个屋變無共樣,這毋係俚个屋。
文瑞:喲?仰會俚个屋下變到洋樓啊?
崔母:係啊。
文瑞:恁派頭啊,俚行毋著間囉。遽遽來轉,無等下分人捉起來。
文瑞:世珍啊,遽遽來去走。
世珍:你兩儕愛走去哪囉?
文瑞:𠊎毋記得𠊎討餔娘。
世珍:你愛渡𠊎去哪?
文瑞:𠊎行毋著間了,這毋係俚个屋,遽遽來去走。
世珍:毋使走,這係俚个屋,愛去走哪囉?
文瑞:𠊎斯摎妳講,這阿戇妹仔,妳無愛信。
崔母:𠊎摎妳講,心臼,妳去看,俚這門牌係寫十八號無?
文瑞:𠊎去看好了,崔文瑞,十八號,係𠊎个名,十八號,毋會爭差。
世珍:其實𠊎愛嫁分你个時節,毋記得一件事情。𠊎毋係摎你講𠊎爸𠊎姆當早就來死,無親無戚。可是𠊎父親留當多財產分𠊎,𠊎麼个就無,錢盡多。這間屋,係𠊎昨暗晡請工人正起个。
文瑞:緊講就緊嚴重,這毋係躁鬱症定(國語)喔,這麼个症乜有喔,麼个一暗晡定,起屋起恁遽,試揰一下,看該壁係毋係紙膏个。
文瑞:唉喲,阿姆,毋係紙膏个喔,係泥水个喔。
崔母:泥水个喔。
世珍:有影無?
文瑞:有影。
世珍:不單恁樣形,俚門頭前兩欉樹,𠊎記得𠊎入門前乜還在。
文瑞:有喔,兩欉樹還在喔。
世珍:有影喔。
文瑞:該樹仔係麼个。
世珍:好寶。
文瑞:麼个好寶?
世珍:兩欉樹,說將一欉係金樹,一欉係銀樹。係你這兜毋知好拿來用。
崔母:妳發癲,這兩欉樹又無值幾多錢。
文瑞:𠊎無愛講賣錢,分𠊎罵歸暗晡喔。
世珍:𠊎講,你就毋相信,無恁樣形,你試搖三下,自然金仔會跌下來。
崔母:你去搖三下看下。
文瑞:𠊎細倈仔,喊𠊎去搖看?阿姆啊,妳去搖啦。
崔母:𠊎去搖喔,好。
崔母:唉喲
文瑞:搖樹毋係搖屎朏。
文瑞:歸地泥个黃金。
世珍:這係銀樹。
文瑞:換𠊎去搖。
文瑞:喔,歸地泥个銀。
世珍:著啊,斯講有錢毋知好拿來用啊。
文瑞:係無啊。
崔母:𠊎个心臼恁會,麼个就知。
世珍:毋過,婆婆,敗勢,𠊎這無灶下。
文瑞:無灶下?妳毋係當會煮食乜?
世珍:毋煞猛,大時代改變了,愛買來食。
崔母:買來食喔,打爽人个錢。
崔母:妳拿這麼个東西 ?
世珍:斯食這好了。
崔母:食這?倈仔啊,𠊎老人家,雖然當肥乳肥乳,食這一禮拜,等該,𠊎毋會停動喔。
文瑞:阿姆,看清楚,這就係葫仔啊。該葫仔乾,𠊎食到驚了。這下又愛喊𠊎
食葫仔乾,𠊎無愛,𠊎無愛。
世珍:你毋著,這毋係葫仔,這係寶葫蘆。
文瑞:寶葫蘆?
世珍:這係𠊎妹家个寶物,只要真言咒語唸落下,愛食麼个菜有麼个菜,係你
愛麼个仙女也係小姐出來,完全就有,該裡肚像人个大庫房共樣。
文瑞:有影也無影?該愛仰般唸該真言咒語,落去正慢慢教𠊎。
世珍:𠊎落去正教你,過順續做幾領衫分𠊎个家娘著。
文瑞:係啦,去買該旗袍,過著該高㬹鞋。
世珍:毋係啦,旗袍敢會較大方?
文瑞:愛大方係無,該妳做人个心臼,妳主意就好。
世珍:𠊎來去買,正來看你愛仰般。來去來去。
1. 大瓦屋tai55nga31vug2:瓦屋是指屋頂鋪瓦的房子。大瓦屋用來形容壯觀氣派的房子。
2. 揰dung31:戳、頂。
3. 打爽da31song31:沒有節制、無益的耗費。
4. 肥乳pi11nen55:形容人身材微胖、發福。
5. 毋會停動m11voi55tin24tung24:奈何不了,沒有力氣再動的意思。
6. 領liang24:量詞。計算上衣、袍子或被子等物件數量的單位。
7. 家娘ga24ngiong11:妻子稱呼自己丈夫的母親。
8. 㬹zang24:腳踵,即腳跟的部位。高㬹鞋即高跟鞋。